9
1 וְכָל־יִשְׂרָאֵל הִתְיַחְשׂוּ וְהִנָּם כְּתוּבִים עַל־סֵפֶר מַלְכֵי יִשְׂרָאֵל וִיהוּדָה הָגְלוּ לְבָבֶל בְּמַעֲלָם׃ ס
2 וְהַיֹּושְׁבִים הָרִאשֹׁנִים אֲשֶׁר בַּאֲחֻזָּתָם בְּעָרֵיהֶם יִשְׂרָאֵל הַכֹּהֲנִים הַלְוִיִּם וְהַנְּתִינִים׃
3 וּבִירוּשָׁלִַם יָשְׁבוּ מִנ־בְּנֵי יְהוּדָה וּמִנ־בְּנֵי בִנְיָמִן וּמִנ־בְּנֵי אֶפְרַיִם וּמְנַשֶּׁה׃
4 עוּתַי בֶּנ־עַמִּיהוּד בֶּנ־עָמְרִי בֶּנ־אִמְרִי בֶנ־בָּנִימִן בָּנִי מִנ־בְּנֵי־פֶרֶץ בֶּנ־יְהוּדָה׃
5 וּמִנ־הַשִּׁילֹונִי עֲשָׂיָה הַבְּכֹור וּבָנָיו׃
6 וּמִנ־בְּנֵי־זֶרַח יְעוּאֵל וַאֲחֵיהֶם שֵׁשׁ־מֵאֹות וְתִשְׁעִים׃
7 וּמִנ־בְּנֵי בִּנְיָמִן סַלּוּא בֶּנ־מְשֻׁלָּם בֶּנ־הֹודַוְיָה בֶּנ־הַסְּנֻאָה׃
8 וְיִבְנְיָה בֶּנ־יְרֹחָם וְאֵלָה בֶנ־עֻזִּי בֶּנ־מִכְרִי וּמְשֻׁלָּם בֶּנ־שְׁפַטְיָה בֶּנ־רְעוּאֵל בֶּנ־יִבְנִיָּה׃
9 וַאֲחֵיהֶם לְתֹלְדֹותָם תְּשַׁע מֵאֹות וַחֲמִשִּׁים וְשִׁשָּׁה כָּל־אֵלֶּה אֲנָשִׁים רָאשֵׁי אָבֹות לְבֵית אֲבֹתֵיהֶם׃ ס
10 וּמִנ־הַכֹּהֲנִים יְדַעְיָה וִיהֹויָרִיב וְיָכִין׃
11 וַעֲזַרְיָה בֶנ־חִלְקִיָּה בֶּנ־מְשֻׁלָּם בֶּנ־צָדֹוק בֶּנ־מְרָיֹות בֶּנ־אֲחִיטוּב נְגִיד בֵּית הָאֱלֹהִים׃ ס
12 וַעֲדָיָה בֶּנ־יְרֹחָם בֶּנ־פַּשְׁחוּר בֶּנ־מַלְכִּיָּה וּמַעְשַׂי בֶּנ־עֲדִיאֵל בֶּנ־יַחְזֵרָה בֶּנ־מְשֻׁלָּם בֶּנ־מְשִׁלֵּמִית בֶּנ־אִמֵּר׃
13 וַאֲחֵיהֶם רָאשִׁים לְבֵית אֲבֹותָם אֶלֶף וּשְׁבַע מֵאֹות וְשִׁשִּׁים גִּבֹּורֵי חֵיל מְלֶאכֶת עֲבֹודַת בֵּית־הָאֱלֹהִים׃
14 וּמִנ־הַלְוִיִּם שְׁמַעְיָה בֶנ־חַשּׁוּב בֶּנ־עַזְרִיקָם בֶּנ־חֲשַׁבְיָה מִנ־בְּנֵי מְרָרִי׃
15 וּבַקְבַּקַּר חֶרֶשׁ וְגָלָל וּמַתַּנְיָה בֶּנ־מִיכָא בֶּנ־זִכְרִי בֶּנ־אָסָף׃
16 וְעֹבַדְיָה בֶּנ־שְׁמַעְיָה בֶּנ־גָּלָל בֶּנ־יְדוּתוּן וּבֶרֶכְיָה בֶנ־אָסָא בֶּנ־אֶלְקָנָה הַיֹּושֵׁב בְּחַצְרֵי נְטֹופָתִי׃
17 וְהַשֹּׁעֲרִים שַׁלּוּם וְעַקּוּב וְטַלְמֹן וַאֲחִימָן וַאֲחִיהֶם שַׁלּוּם הָרֹאשׁ׃
18 וְעַד־הֵנָּה בְּשַׁעַר הַמֶּלֶךְ מִזְרָחָה הֵמָּה הַשֹּׁעֲרִים לְמַחֲנֹות בְּנֵי לֵוִי׃
19 וְשַׁלּוּם בֶּנ־קֹורֵא בֶּנ־אֶבְיָסָף בֶּנ־קֹרַח וְאֶחָיו לְבֵית־אָבִיו הַקָּרְחִים עַל מְלֶאכֶת הָעֲבֹודָה שֹׁמְרֵי הַסִּפִּים לָאֹהֶל וַאֲבֹתֵיהֶם עַל־מַחֲנֵה יְהוָה שֹׁמְרֵי הַמָּבֹוא׃
20 וּפִינְחָס בֶּנ־אֶלְעָזָר נָגִיד הָיָה עֲלֵיהֶם לְפָנִים יְהוָה ׀ עִמֹּו׃
21 זְכַרְיָה בֶּן מְשֶׁלֶמְיָה שֹׁעֵר פֶּתַח לְאֹהֶל מֹועֵד׃
22 כֻּלָּם הַבְּרוּרִים לְשֹׁעֲרִים בַּסִּפִּים מָאתַיִם וּשְׁנֵים עָשָׂר הֵמָּה בְחַצְרֵיהֶם הִתְיַחְשָׂם הֵמָּה יִסַּד דָּוִיד וּשְׁמוּאֵל הָרֹאֶה בֶּאֱמוּנָתָם׃
23 וְהֵם וּבְנֵיהֶם עַל־הַשְּׁעָרִים לְבֵית־יְהוָה לְבֵית־הָאֹהֶל לְמִשְׁמָרֹות׃
24 לְאַרְבַּע רוּחֹות יִהְיוּ הַשֹּׁעֲרִים מִזְרָח יָמָּה צָפֹונָה וָנֶגְבָּה׃
25 וַאֲחֵיהֶם בְּחַצְרֵיהֶם לָבֹוא לְשִׁבְעַת הַיָּמִים מֵעֵת אֶל־עֵת עִמ־אֵלֶּה׃
26 כִּי בֶאֱמוּנָה הֵמָּה אַרְבַּעַת גִּבֹּרֵי הַשֹּׁעֲרִים הֵם הַלְוִיִּם וְהָיוּ עַל־הַלְּשָׁכֹות וְעַל הָאֹצְרֹות בֵּית הָאֱלֹהִים׃
27 וּסְבִיבֹות בֵּית־הָאֱלֹהִים יָלִינוּ כִּי־עֲלֵיהֶם מִשְׁמֶרֶת וְהֵם עַל־הַמַּפְתֵּחַ וְלַבֹּקֶר לַבֹּקֶר׃
28 וּמֵהֶם עַל־כְּלֵי הָעֲבֹודָה כִּי־בְמִסְפָּר יְבִיאוּם וּבְמִסְפָּר יֹוצִיאוּם׃
29 וּמֵהֶם מְמֻנִּים עַל־הַכֵּלִים וְעַל כָּל־כְּלֵי הַקֹּדֶשׁ וְעַל־הַסֹּלֶת וְהַיַּיִן וְהַשֶּׁמֶן וְהַלְּבֹונָה וְהַבְּשָׂמִים׃
30 וּמִנ־בְּנֵי הַכֹּהֲנִים רֹקְחֵי הַמִּרְקַחַת לַבְּשָׂמִים׃
31 וּמַתִּתְיָה מִנ־הַלְוִיִּם הוּא הַבְּכֹור לְשַׁלֻּם הַקָּרְחִי בֶּאֱמוּנָה עַל מַעֲשֵׂה הַחֲבִתִּים׃
32 וּמִנ־בְּנֵי הַקְּהָתִי מִנ־אֲחֵיהֶם עַל־לֶחֶם הַמַּעֲרָכֶת לְהָכִין שַׁבַּת שַׁבָּת׃ ס
33 וְאֵלֶּה הַמְשֹׁרְרִים רָאשֵׁי אָבֹות לַלְוִיִּם בַּלְּשָׁכֹת פְּטִירִים פְּטוּרִים כִּי־יֹומָם וָלַיְלָה עֲלֵיהֶם בַּמְּלָאכָה׃
34 אֵלֶּה רָאשֵׁי הָאָבֹות לַלְוִיִּם לְתֹלְדֹותָם רָאשִׁים אֵלֶּה יָשְׁבוּ בִירוּשָׁלִָם׃ ף
35 וּבְגִבְעֹון יָשְׁבוּ אֲבִי־גִבְעֹון יְעוּאֵל יְעִיאֵל וְשֵׁם אִשְׁתֹּו מַעֲכָה׃
36 וּבְנֹו הַבְּכֹור עַבְדֹּון וְצוּר וְקִישׁ וּבַעַל וְנֵר וְנָדָב׃
37 וּגְדֹור וְאַחְיֹו וּזְכַרְיָה וּמִקְלֹות׃
38 וּמִקְלֹות הֹולִיד אֶת־שִׁמְאָם וְאַפ־הֵם נֶגֶד אֲחֵיהֶם יָשְׁבוּ בִירוּשָׁלִַם עִמ־אֲחֵיהֶם׃ ס
39 וְנֵר הֹולִיד אֶת־קִישׁ וְקִישׁ הֹולִיד אֶת־שָׁאוּל וְשָׁאוּל הֹולִיד אֶת־יְהֹונָתָן וְאֶת־מַלְכִּי־שׁוּעַ וְאֶת־אֲבִינָדָב וְאֶת־אֶשְׁבָּעַל׃
40 וּבֶנ־יְהֹונָתָן מְרִיב בָּעַל וּמְרִי־בַעַל הֹולִיד אֶת־מִיכָה׃
41 וּבְנֵי מִיכָה פִּיתֹון וָמֶלֶךְ וְתַחְרֵעַ׃
42 וְאָחָז הֹולִיד אֶת־יַעְרָה וְיַעְרָה הֹולִיד אֶת־עָלֶמֶת וְאֶת־עַזְמָוֶת וְאֶת־זִמְרִי וְזִמְרִי הֹולִיד אֶת־מֹוצָא׃
43 וּמֹוצָא הֹולִיד אֶת־בִּנְעָא וּרְפָיָה בְנֹו אֶלְעָשָׂה בְנֹו אָצֵל בְּנֹו׃
44 וּלְאָצֵל שִׁשָּׁה בָנִים וְאֵלֶּה שְׁמֹותָם עַזְרִיקָם ׀ בֹּכְרוּ וְיִשְׁמָעֵאל וּשְׁעַרְיָה וְעֹבַדְיָה וְחָנָן אֵלֶּה בְּנֵי אָצַל׃ ף